Saturday, January 22, 2011

ചന്ദ്രനില്‍ ഒരു മാതാവും കുഞ്ഞും.....



ചന്ദ്രനില്‍ ഒരു മാതാവും കുഞ്ഞും......നാട്ടില്‍ മുഴുവന്‍ കോലാഹലം...
അന്തപ്പന്‍ ചേട്ടന്‍ ഒരു അന്തവുമില്ലാതെ നടുറോട്ടില്‍ നിന്ന് കൈ വിരിച്ചു നിന്ന് പ്രാര്‍ഥിച്ചു...

''കര്‍ത്താവേ അങ്ങ് വലിയവനാകുന്നു..''

ദൈവമേ ഇനി ഞാന്‍ കേട്ടത് സത്യമാണോ?
പുറത്തേക്കിറങ്ങി ചന്ദ്രനിലേക്ക് നോക്കി മാതാവിനെയും കുഞ്ഞിനേയും പോയിട്ട് പെറ്റിക്കോട്ടിട്ട ഒരു പെങ്കോചിനെപ്പോലും ഞാന്‍ കണ്ടില്ല... ഇനിയിപ്പോ കുവൈറ്റിലെ ചന്ദ്രനില്‍ മാത്രം ഈ അല്ഫുത പ്രതിഭാസം ഇല്ലാത്തതാണോ?

സത്യം അറിയണമല്ലോ.... നാട്ടിലേക്ക് കൂട്ടുകാരെ വിളിച്ചു...
കുട്ടന്‍ ഓണ്‍ലൈന്‍....

'ഡാ..നവീനെ .., ദേ , ചന്ദ്രനില്‍ നിങ്ങടെ മാതാവും ഉണ്ണീശോയും... '

ഞാന്‍: ഡാ കുട്ടാ .., നീ കണ്ടോ...

കുട്ടന്‍: ബി ബി സിയില്‍ ന്യൂസ് ഉണ്ടായിരുന്നെന്ന്...

ഞാന്‍:...........######?????

എന്‍റെ കര്‍ത്താവേ അങ്ങ് ഇപ്പൊ ഡയറക്റ്റ് പ്രത്യക്ഷപ്പെടുന്ന പരിപാടിയൊക്കെ നിര്‍ത്തിയോ?
ഈ ചന്ദ്രനിലൊക്കെ ചെന്ന് പ്രത്യക്ഷപ്പെട്ടാല്‍ പഴയ പോലെ പബ്ലിസിറ്റിയൊന്നും കിട്ടത്തില്ല... കേട്ടോ.. പറഞ്ഞേക്കാം...

ഏതായാലും കേരളത്തിലൊക്കെ നേരിട്ട് പ്രത്യക്ഷപ്പെടാതിരിക്കുന്നതാണ് അങ്ങേക്ക് നല്ലത്...
അവിടെ മുഴുവനും ഇപ്പൊ മുക്കാല്‍ കളസവും ഇട്ട് ജോക്കിയും കാണിച്ച് പാന്‍പരാഗും ചവച്ചു നടക്കുന്ന 'യോ യോ' പിള്ളേരാ മുഴുവന്‍...
അങ്ങയെക്കണ്ടാലും അവന്മാര് 'അളിയാന്നേ' വിളിക്കൂ...

ഏതായാലും ബി ബി സിയിലോക്കെ വന്നെങ്കില്‍ ഈ 'അവതാരത്തില്‍' എന്തെങ്കിലും കാര്യമില്ലാതിരിക്കില്ലല്ലോ?
നേരെ ടീവിക്ക് മുന്നില്‍ കുത്തിയിരുന്നു ബി ബി സിയും സി എന്‍ എന്നുമെല്ലാം മാറി മാറി വച്ച് നോക്കി...

ബി ബി സിയുടെ അദ്യോഗിക വെബ്സൈറ്റില്‍ അനൌദ്യോഗികമായി
കയറി മുള്ള്, മുരട്‌ ,മൂര്‍ഖന്‍ പാമ്പ് മുതല്‍ കള്ള് ,കരട് ,കരിമ്പിന്‍ പട്ട വരെ അരിച്ചു പെറുക്കി...

'നോ മാതാവ് .. നോ കുഞ്ഞ്... !!!!'

ഉത്തരം കിട്ടാത്ത ചോദ്യങ്ങളെയെല്ലാം ദൈവമെന്നു വിളിക്കുന്ന മനുഷ്യന്‍റെ നിസഹായതയ്ക്ക് ഏറ്റവും പുതിയ ഉദാഹരണം...
'ചന്ദ്രനിലെ ഈ അമ്മയും കുഞ്ഞും... '
ഈ അമ്മയെയും കുഞ്ഞിനേയും കന്യാമറിയവും ഉണ്ണീശോയും ആയി വ്യാഖ്യാനിച്ച ആദ്യത്തെ മനുഷ്യന് ഒരു നമസ്കാരമുണ്ട്ട്ടോ...

എന്നാലും മതസൌഹാര്‍ദ്ദത്തിന്റെ ആപ്തവാക്യങ്ങള്‍ പൊക്കിപ്പിടിച്ച് കൊണ്ട് നടക്കുന്ന നമ്മള്‍ ഇന്ത്യക്കാര്‍ക്ക് മുന്നില്‍ മാതാവിനെയും ഉണ്ണീശോയെയും മാത്രം വരച്ചു കാണിച്ചത് ഒരു മാതിരി മറ്റേ പരിപാടിയായിപ്പോയി...... അത് കൊണ്ട് അടുത്ത തവണയെങ്കിലും ഇത് പോലെ അമ്മയെയും കുഞ്ഞിനേയും 'കണ്ടു പിടിക്കുമ്പോള്‍'' അത് 'യശോദയും കണ്ണനും' ആയി വ്യാഖ്യാനിക്കാനുള്ള സന്മനസ്സ് ഉണ്ടാവണം...

നമ്മുടെ നാട്ടിലെ മതസൌഹാര്‍ദ്ദത കാത്തുസൂക്ഷിക്കാന്‍ ഒബാമയ്ക്കും കോണ്ടലീസ റൈസിനുമൊന്നും വരാന്‍ ഒക്കത്തില്ലല്ലോ... നമ്മളല്ലേ ഇതെല്ലാം കണ്ടറിഞ്ഞു നടത്തേണ്ടത്...

വിശ്വാസങ്ങള്‍ എന്നും നല്ലതാണ് ...
വിശ്വാസത്തിന്‍റെ പിന്‍ബലത്തില്‍ അന്ധവിശ്വാസങ്ങളെ പ്രോത്സാഹിപ്പിക്കുകയും ദേവസ്വം ബോര്‍ഡിനും സഭയ്ക്കും പോലും ഉത്തരമില്ലാത്ത പ്രതിഭാസങ്ങള്‍ക്ക് മുന്നില്‍ കൈ കൂപ്പുകയും കണ്ണീരോഴുക്കുകയും ചെയ്യുന്ന ശരാശരി മലയാളികള്‍ക്ക് മുന്നില്‍ എന്‍റെ പ്രണാമം...

സഹഅയ്യപ്പന്മാരുടെ ചവിട്ടേറ്റ് മരിച്ച 106 അയ്യപ്പന്മാര്‍ക്ക് ആത്മശാന്തി നേര്‍ന്നു കൊണ്ട് നിര്‍ത്തുന്നു...

ഇക്കണക്കിന് പോയാല്‍ അധികം താമസിയാതെ സാന്‍ടിയാഗോ മാര്‍ട്ടിനും , ഫാരിസ് അബൂബക്കറുമെല്ലാം ചന്ദ്രനില്‍ പ്രത്യക്ഷപ്പെട്ടേക്കാം ..
അവര്‍ക്ക് മുന്നിലും മെഴുകുതിരി കത്തിച്ച് വച്ച് നമുക്ക് പ്രാര്‍ഥിക്കാം...

സകല വിശുദ്ധരെ ഞങ്ങള്‍ക്ക് വേണ്ടി അപേക്ഷിക്കണമേ...

കര്‍ത്താവേ.., ഇവര്‍ ചെയ്യുന്നതെന്തെന്ന് ഇവര്‍ അറിയുന്നില്ല ഇവരോട് ക്ഷമിക്കണമേ... ആമേന്‍ .


.
.
.

.
[ഈ ബ്ലോഗ്‌ ആരുടേയും വിശ്വാസങ്ങളെ വൃണപ്പെടുത്താന്‍ കരുതിക്കൂടിയെഴുതിയതല്ല... ചിലതൊക്കെ കാണുമ്പോള്‍ വിളിച്ചു പറയാതിരിക്കാന്‍ പറ്റുന്നില്ല ... ഇഷ്ട്ടപ്പെടാത്തവര്‍ ക്ഷമിക്കുക...[

4 comments:

  1. അല്ല എന്നാ ഈ മാതാവും ഉണ്ണിയും ചന്ദ്രനില്‍ വന്നെ? ഞാന്‍ കേട്ടില്ലല്ലോ... ആദ്യം കേള്‍ക്കുന്നത് നിന്‍റെ തിരുവായില്‍ നിന്ന് തന്നെ.. ഞാന്‍ ആണേല്‍ ഉണര്നിരിക്കുന്ന സമയം മുഴുവന്‍ ഏഷ്യ നെറ്റ് ഓണ്‍ ആക്കി വെച്ചിരിക്കുവാ, പിന്നെ യാഹൂ ഇല്‍ വരുന്ന ന്യൂസ്‌ എല്ലാം തന്നെ വായിക്കും..

    ReplyDelete
  2. njaan paranja karyavum ithu thnne..ingane paranjirunnenkil naalu perkku manasilaayene..alle?moon, star ithokke ippozhum ivide ullavarkk melottu nokkumbo kaanunna cheriya randu pottum podiyum maathramaanu..athil avarkk ishtamullathu kothi vakan pattum..

    ReplyDelete