Saturday, January 02, 2010

പ്രവാസത്തിന്റെ മഞ്ഞു വീണ ക്രിസ്മസ്

എന്‍റെ ഓര്‍മ്മകളിലെ ക്രിസ്മസ്സിനു മഞ്ഞില്‍ കുതിര്‍ന്ന വൈക്കോലിന്റെ ഗന്ധമാണ്...
നെല്ല് പാകി പുല്ലു കെട്ടി ഞാന്‍ തീര്‍ത്ത എന്‍റെ പുല്‍ക്കൂടും
അതിനുള്ളില്‍ മഞ്ഞു കൊണ്ട് കിടന്ന എന്‍റെ ഉണ്ണീശോയും...

പിന്നെ മുറ്റത്തെ പൂവരശിന്റെ ഒറ്റക്കൊമ്പില്‍ കേടാവിളക്കേന്തിയ എന്‍റെ കുഞ്ഞു നക്ഷത്രവും....
ഏച്ചു കെട്ടിയ കാറ്റാടി മരക്കൊമ്പില്‍ അങ്ങിങ്ങായി നാട്ടിയ എന്‍റെ കടലാസ് പൂക്കളും ...

ഞാനേറെ ഭയപ്പെട്ടിരുന്ന ക്രിസ്മസ് അപ്പൂപ്പനും ,
അപ്പൂപ്പന്‍ സമ്മാനിച്ച പച്ച പ്യാരി മിട്ടായികളും..

എല്ലാം ഇന്നെനിക്കു നഷസ്വപ്നങ്ങളുടെ ഓര്‍മ്മകള്‍ മാത്രമാവുന്നു...

പ്രവാസത്തിന്റെ മഞ്ഞു വീണ എന്‍റെ മനസ്സിലെ കാലിത്തൊഴുത്തിലും ഇന്ന് ഉണ്ണി പിറക്കുകയാണ്...
ഏവര്‍ക്കും ക്രിസ്മസ് ആശംസകള്‍...

1 comment: